Pranali Kodre
दक्षिण आफ्रिका विरुद्ध भारत यांच्यातील कसोटी मालिकेतील दुसरा सामना आणि निर्णायक सामना 3 ते 7 जानेवारी 2023 दरम्यान खेळला जाणार आहे.
हा सामना केपटाऊनमधील न्यूलँड्स स्टेडियमवर होणार आहे. दरम्यान, या मालिकेतील पहिल्या सामन्यावेळी पावसाचा अडथळा आला, तसा दुसऱ्या सामन्यातही येणार का, असा प्रश्न अनेकांना पडला असेल.
दरम्यान,Accuweather च्या रिपोर्टनुसार केपटाऊनमध्ये 3, 4 आणि 5 जानेवारी दरम्यान म्हणजेच सामन्याच्या पहिल्या तीन दिवशी पावसाची अजिबात शक्यता नाही.
पहिल्या दोन्ही दिवशी उष्ण वातावरण असू शकेल, तसेच तिसऱ्या दिवशी ढगाळ आणि काहीसे थंड वातारवरण असेल.
याशिवाय 6 जानेवारीला 60 टक्क्याहून अधिक पावसाची शक्यता आहे. त्यामुळे या सामन्यात चौथ्या दिवशी पावसाचा अडथळा येऊ शकतो.
तसेच 7 जानेवारीला सूर्याचेही दर्शन होईल, तर काहीप्रमाणात ढगाळ वातावरणही असेल. तसेच पावसाची शक्यता नाही.
एकूण हवामानाचा अंदाज पाहाता सामना पूर्ण होण्याची शक्यता आहे, केवळ चौथ्या दिवशी पावसाचा अडथळा येण्याची शक्यता आहे.
दरम्यान, पहिला सामना दक्षिण आफ्रिकेने जिंकला असल्याने ते मालिकेत 1-0 ने पुढे आहेत. त्याचमुळे मालिका वाचवण्यासाठी भारताला विजय आवश्यक आहे. जर सामना दक्षिण आफ्रिकेने जिंकला किंवा अनिर्णित राहिला, तर मालिकाही दक्षिण आफ्रिका जिंकेल.