HBD Sourav Ganguly: 'दादा' म्हणजे केवळ कर्णधार नव्हे, विक्रमांचा बादशाह! जाणून घ्या 8 अजरामर विक्रम

Sameer Amunekar

सौरव गांगुली

टीम इंडियाचा माजी कर्णधार सौरव गांगुली आज ८ जुलै (मंगळवार) ५३ वर्षांचा झाला आहे. सौरव गांगुलीच्या नावावर असे काही विक्रम आहेत जे आतापर्यंत मोडले गेले नाहीत. कोणते ते विक्रम जाणून घेऊया.

HBD Sourav Ganguly | Dainik Gomantak

१८३ धावा

सौरव गांगुलीने १९९९ च्या एकदिवसीय विश्वचषकात टॉन्टन मैदानावर श्रीलंकेविरुद्ध १८३ धावा केल्या. ही एकदिवसीय विश्वचषकात भारतीय फलंदाजाने खेळलेली सर्वात मोठी खेळी आहे.

HBD Sourav Ganguly | Dainik Gomantak

प्लेअर ऑफ द मॅच

सौरव गांगुलीने १९९७ मध्ये टोरंटो येथे पाकिस्तानविरुद्ध खेळलेल्या एकदिवसीय मालिकेत सलग चार 'प्लेअर ऑफ द मॅच' पुरस्कार जिंकले आहेत.

HBD Sourav Ganguly | Dainik Gomantak

डावखुरा फलंदाज

२००७ मध्ये पाकिस्तानविरुद्ध बंगळुरू कसोटी सामन्यात सौरव गांगुलीने २३९ धावांची खेळी केली. कसोटी क्रिकेटमध्ये कोणत्याही डावखुऱ्या भारतीय फलंदाजाची ही सर्वोच्च धावसंख्या आहे.

HBD Sourav Ganguly | Dainik Gomantak

३१८ धावांची भागीदारी

१९९९ च्या विश्वचषकात श्रीलंकेविरुद्ध सौरव गांगुली आणि राहुल द्रविड यांनी दुसऱ्या विकेटसाठी ३१८ धावांची भागीदारी केली होती. विश्वचषकात भारताकडून कोणत्याही विकेटसाठी ही सर्वोच्च भागीदारी आहे.

HBD Sourav Ganguly | Dainik Gomantak

चॅम्पियन्स ट्रॉफी

२००० मध्ये चॅम्पियन्स ट्रॉफीच्या अंतिम फेरीत गांगुलीने न्यूझीलंडविरुद्ध ११७ धावा केल्या. चॅम्पियन्स ट्रॉफीच्या अंतिम फेरीत हा अद्यापही कोणत्याही फलंदाजाची सर्वोच्च धावसंख्या आहे.

HBD Sourav Ganguly | Dainik Gomantak

चॅम्पियन्स ट्रॉफीमध्ये तीन शतके

सौरव गांगुलीने आयसीसी चॅम्पियन्स ट्रॉफीमध्ये तीन शतके केली. या स्पर्धेत सर्वाधिक शतके करण्याच्या बाबतीत तो ख्रिस गेल, शिखर धवन आणि हर्शेल गिब्ससह संयुक्तपणे अव्वल स्थानावर आहे.

HBD Sourav Ganguly | Dainik Gomantak

एकदिवसीय सामन्यात सर्वाधिक धावा

सौरव गांगुली आणि सचिन तेंडुलकर यांच्या जोडीने एकदिवसीय सामन्यात सर्वाधिक धावा करण्याचा विक्रम केला आहे. गांगुली-सचिन यांनी १७६ डावांमध्ये ४७.५५ च्या सरासरीने ८२२७ धावा केल्या.

HBD Sourav Ganguly | Dainik Gomantak

यशस्वी सलामी जोडी

सौरव गांगुली आणि सचिन तेंडुलकरची जोडी एकदिवसीय सामन्यांमधील सर्वात यशस्वी सलामी जोडी होती. सचिन-गांगुलीच्या सलामी जोडीने १३६ एकदिवसीय डावांमध्ये ६६०९ धावा केल्या.

HBD Sourav Ganguly | Dainik Gomantak

केसांना जेल लावता तर 'हे' वाचा

Hair Care Tips | Dainik Gomantak
येथे क्लिक करा