दैनिक गोमन्तक डिजिटल
सर्वात आधी ती का रुसली आहे, हे शांतपणे ऐकून घ्या. मध्येच तोडल्याने राग वाढू शकतो. तिचं म्हणणं पूर्ण ऐकल्याने तिला वाटेल की तुम्ही तिची बाजू समजून घेत आहात.
जर तुमची चूक असेल, तर ती प्रामाणिकपणे मान्य करा. 'सॉरी' म्हणताना त्यात अहंकार नसावा. साधे एक 'सॉरी' मनातील अनेक गाठी सोडवू शकते.
राग व्यक्त करताना आवाजाची पट्टी वाढवू नका. शांत आणि प्रेमाने संवाद साधल्यास वादाचे रूपांतर संवादात होईल. रागाच्या भरात टोमणे मारणे टाळा.
तिचे आवडते चॉकलेट, फूल किंवा एखादा छोटासा गिफ्ट देऊन तिचे मूड बदलण्याचा प्रयत्न करा. कधीकधी लहानशा सरप्राईजमुळे राग लवकर गळून पडतो.
मोबाईल बाजूला ठेवा आणि पूर्ण वेळ तिला द्या. एखादा छोटा वॉक किंवा एकत्र कॉफी पिल्याने एकमेकांशी मोकळेपणाने बोलता येते.
कधीकधी कामाच्या व्यापातून तिला थकवा येतो आणि त्यातून चिडचिड होते. अशा वेळी घरकामात मदत करून तिला आराम द्या, यामुळे तिला तुमच्याबद्दल आपुलकी वाटेल.
फक्त 'सॉरी' न म्हणता, तिची मनस्थिती समजून घ्या. तिला सांगा की, "तू माझ्यासाठी खूप महत्त्वाची आहेस." तुमचा हा भावनिक पाठिंबा तिचा राग नक्कीच शांत करेल.