गोमन्तक डिजिटल टीम
सह्याद्री पर्वतराजीला भिडलेल्या संगमेश्वर तालुक्यात हे भगवान शंकराचे पवित्र व अद्भुत देवस्थान वसलेले आहे.
नैसर्गिक गुहेत श्री शंकरांचे अर्थात श्री मार्लेश्वराचे मंदिर आहे. हा गाभारा दिव्यांच्या प्रकाशात उजळलेला असतो.
उंच उंच कडेकपाऱ्या आणि ढगांच्या सोबतीने श्री मार्लेश्वराचा परिसर अत्यंत विलोभनीय दिसतो.
मंदिराच्या मागेच धारेश्वर हा उंच डोंगरांमधून ओतणारा धबधबा डोळे विस्फारून टाकतो.
निबिड अरण्य, मोठाले वृक्ष यांसोबत इथे पक्षी, वन्यप्राणी आणि नागांचा भरपूर वावर आहे.
डोंगरांच्या भव्यतेमुळे, पावसाळ्यापासून मुख्य धारेश्वरसोबत असणारे असंख्य धबधबे आणि नीरव शांततेमुळे या परिसराला कोकणचा कैलास म्हणून ओळखतात.
श्रावण महिन्यात श्री मार्लेश्वराचे दर्शन घ्यायला भरपूर गर्दी लोटते, श्रावण सोमवारी या देवस्थानात विशेष पूजा असते.
श्रावणापासून हिवाळ्यापर्यंत इथे जाणे योग्य ठरते. आसपासच्या गावांचा नजारा या दरम्यान खास असतो.
बाईकवरुन करा 'ऑफबीट गोव्याची' सफर