Manish Jadhav
भारत आणि आयर्लंड यांच्यात आजपासून (10 जानेवारी) वन-डे मालिकेला सुरुवात झाली आहे. मुंबईच्या सायली सातघरेची आयर्लंडविरुद्धच्या या मालिकेत टीम इंडियात एन्ट्री झाली.
अष्टपैलू सायली देशांतर्गत क्रिकेटमध्ये मुंबई संघाकडून खेळते.
सायलीने गुजरात टायटन्स संघातून वुमेन्स प्रिमिअर लीगमध्ये पदार्पण केले होते. देशांतर्गत क्रिकेटमधील उल्लेखनीय कामगिरीनंतर सायलीला टीम इंडियात संधी मिळाली.
सायलीने 2021 च्या महिला वन-डे ट्रॉफीमध्ये कोणत्याही अफलातून कामगिरी केली होती. मुंबईकडून खेळताना तिने नागालँडविरुद्धच्या सामन्यात सात विकेट्स घेतल्या होत्या.
या सामन्यात मुंबईने नागालॅंडला 17 धावांवर ऑलआऊट केले होते, ज्यामध्ये सायलीनं महत्वपूर्ण योगदान दिले होते.
अष्टपैलू सायलीने देशांतर्गत क्रिकेटमध्ये मुंबईकडून 51 लिस्ट-ए सामने खेळले आहेत, ज्यामध्ये तिने 666 धावा केल्या असून 56 विकेट्स पटकावल्या आहेत.
49 ट्वेंटी सामन्यांमध्ये तिने 422 धावा आणि 19.05 च्या सरासरीने 37 विकेट्स घेतल्या आहेत.