Sameer Amunekar
पावसाळा आला की निसर्गाची शोभा अधिकच खुलते. पावसाचे सरी, हिरवीगार डोंगररांगा आणि त्यातून खळाळत कोसळणारे धबधबे हीच तर खरी निसर्गसौंदर्याची अनुभूती. अशाच एका अप्रतिम ठिकाणाची आज आपण माहिती घेणार आहोत.
सिंधुदुर्ग जिल्ह्यातील कणकवलीपासून काहीच अंतरावर असलेला सावडाव धबधबा पर्यटकांचे विशेष आकर्षण ठरत आहे.
सावडाव धबधबा हा महाराष्ट्राच्या सिंधुदुर्ग जिल्ह्यात कणकवली तालुक्यातील सावडाव गावाजवळ आहे. गोव्याच्या उत्तरेकडील भागातून अगदी दीड-ते-दोन तासांत तुम्ही इथे पोहोचू शकता.
गोव्यात फिरायला आलेले पर्यटकही हे ठिकाण जवळ असल्यामुळे सहज या धबधब्याला भेट देऊ शकतात.
पावसाळ्यात सावडाव धबधब्याचं सौंदर्य अक्षरशः वेड लावणारं असतं. डोंगरातून कोसळणारे पाणी, आजूबाजूचं जंगल आणि शुद्ध हवा हे सगळं मनाला शांत करणं तर देतंच, पण ‘नेचर थेरपी’चा उत्तम अनुभवही देतं.
फोटोग्राफीसाठी सावडाव हे ठिकाण तुमच्यासाठी परफेक्ट आहे. धबधब्याच्या पार्श्वभूमीवर, धुके आणि हिरवाई यामध्ये काढलेले फोटो नक्कीच लक्ष वेधून घेणारे असतात.