Manish Jadhav
मांडवी नदीच्या पात्रातील कुंभारजुवे गावात दरवर्षी मोठ्या उत्साहात 'सांगोडोत्सव' साजरा केला जातो.
श्री शांतादुर्गा कुंभारजुवेकरीण देवीच्या प्राकारात साजरा होणार्‍या गणेशोत्सवाचा तो अविभाज्य भाग मानला जातो.
यंदा मंगळवारी (2 सप्टेंबर) कुंभारजुवेतील मांडवी नदीच्या पात्रात हा उत्सव मोठ्या उत्साहात साजरा झाला.
या उत्सवात सजवलेल्या होड्यांवर (सांगोड) पौराणिक, सामाजिक आणि ऐतिहासिक घटनांचे देखावे सादर केले.
तसेच, दिवे, सजावट, नृत्य-गीत आणि नाट्यरुपे यांच्या संगमामुळे संपूर्ण परिसर उत्साहाने उजळून निघाला. स्थानिक कलाकार, महिला-पुरुष आणि लहान मुलांनी या देखाव्यात सहभागी घेतला.
या उत्सवाच्या निमित्ताने विविध विषयांवर आधारुन तयार केलेल्या चित्ररथांनी मांडवी नदीचे पात्र व्यापून टाकले. हे चित्ररथ बनवण्यासाठी या परिसरातील कलाकारांनी अनेक दिवस काम केले.
गणेश विसर्जनाच्या वेळी केला जाणारा शांतादुर्गा कुंभाराजुवेकरीणीचा हा सांगोडोत्सव गोमंतकामध्ये प्रसिद्ध आहे.
कुंभारजुवे गावातील सात दिवसांच्या या परंपरागत सांगोड उत्सवाला शेकडो वर्षांची परंपरा आहे.