Pranali Kodre
भारत विरुद्ध अफगाणिस्तान संघात रविवारी (14 जानेवारी) टी20 मालिकेतील दुसरा सामना झाला.
इंदूरच्या होळकर क्रिकेट स्टेडियमवर झालेल्या या सामन्यात भारतीय संघाने 6 विकेट्सने विजय मिळवला.
या सामन्यातून विराट कोहलीने 14 महिन्यांनी आंतरराष्ट्रीय टी20 क्रिकेटमध्ये पुनरागमन केले.
दरम्यान, याच मालिकेतील पहिल्या सामन्यातून रोहित शर्माचे 14 महिन्यांनी आंतरराष्ट्रीय टी20 क्रिकेटमध्ये पुनरागमन झाले होते.
मात्र, पहिल्या सामन्यात वैयक्तिक कारणाने विराट खेळला नव्हता. पण दुसऱ्या सामन्यासाठी तो मैदानात उतरला.
त्यामुळे 14 जानेवारी रोजी तब्बल 431 दिवसांच्या अंतराने विराट आणि रोहित एकत्र आंतरराष्ट्रीय टी20 क्रिकेट खेळताना दिसले.
यापूर्वी विराट आणि रोहित यांनी 10 नोव्हेंबर 2022 रोजी भारताकडून एकत्र टी20 सामना होता. तेव्हा ते टी20 वर्ल्डकप 2022 स्पर्धेच्या उपांत्य फेरीत इंग्लंडविरुद्ध एकत्र खेळले होते.