Manish Jadhav
भारत आणि दक्षिण आफ्रिका यांच्यातील वनडे मालिकेतील पहिला सामना 30 नोव्हेंबर रोजी रांची येथे खेळला जाईल. या मालिकेत भारतीय संघ के.एल. राहुल याच्या नेतृत्वाखाली खेळेल.
भारतीय संघाचा स्टार फलंदाज रोहित शर्मा या मालिकेत वनडे क्रिकेटमध्ये सर्वाधिक षटकार (Most Sixes in ODI) मारण्याचा विश्वविक्रम आपल्या नावावर करण्याची संधी आहे.
हा विक्रम करण्यासाठी रोहित शर्माला पहिल्याच वनडे सामन्यात फक्त 3 षटकार मारण्याची गरज आहे. असे केल्यास तो वनडेमध्ये सर्वाधिक षटकार मारणारा फलंदाज बनेल.
सध्या वनडे क्रिकेटमध्ये सर्वाधिक 351 षटकार मारण्याचा विक्रम पाकिस्तानचा माजी क्रिकेटर शाहिद आफ्रिदी याच्या नावावर आहे (369 डाव). रोहित शर्माने आतापर्यंत 349 षटकार (268 डाव) मारले.
रोहित शर्माने जर या मालिकेत फक्त एक षटकार मारला, तर तो वनडे क्रिकेटच्या इतिहासात 350 किंवा त्याहून अधिक षटकार जडवणारा जगातील दुसरा फलंदाज बनेल.
संपूर्ण आंतरराष्ट्रीय क्रिकेटमध्ये (सर्व फॉरमॅट) 650 षटकार पूर्ण करणारा जगातील पहिला क्रिकेटर बनण्याची संधीही रोहितला आहे. त्याला यासाठी फक्त 8 षटकारांची गरज आहे. त्याने आतापर्यंत 502 सामन्यांच्या 535 डावांमध्ये 642 षटकार मारले आहेत.
रोहित शर्माने टेस्ट आणि टी-20 क्रिकेटमधून निवृत्ती घेतली आहे, पण तो वनडेमध्ये खेळणे सुरू ठेवणार आहे. त्याने आपल्या मागील ऑस्ट्रेलियाविरुद्धच्या वनडे मालिकेत सिडनीमध्ये नाबाद 121 धावांची शानदार खेळी केली होती.