Pranali Kodre
भारताचा कर्णधार रोहित शर्माने डिसेंबरमध्ये दक्षिण आफ्रिका दौऱ्यात होणाऱ्या वनडे मालिकेतून विश्रांती घेतली आहे.
त्यामुळे रोहितच्या 2023 मधील वनडे क्रिकेटमधील आकडेवारी निश्चित झाली आहे.
रोहितने 2023 वर्षात 27 वनडे सामने खेळताना 52.29 च्या सरासरीने 1255 धावा केल्या आहेत. यामध्ये 2 शतके आणि 9 अर्धशतकांचा समावेश आहे.
दरम्यान, एका वर्षात वनडेमध्ये 50 किंवा त्यापेक्षा जास्त सरासरीने धावा करण्याची ही रोहितची दहावी वेळ आहे.
त्याचमुळे 10 वेगवेगळ्या कँलेंडर वर्षात वनडेमध्ये 50 किंवा त्यापेक्षा जास्तीच्या सरासरीने धावा करणारा तो जगातील एकमेव क्रिकेटपटू ठरला आहे.
रोहित शर्माने 2011, 2013, 2014, 2015, 2016, 2017, 2018, 2019, 2020 आणि 2023 या 10 वर्षात 50 किंवा त्यापेक्षा अधिकच्या सरासरीने वनडेत धावा केल्या आहेत.
रोहितने त्याच्या वनडे कारकिर्दीत 2023 पर्यंत 262 वनडे सामने खेळले आहेत. यामध्ये त्याने 49.12 च्या सरासरीने 10709 धावा केल्या आहेत. यामध्ये रोहितने 31 शतके आणि 55 अर्धशतके केली आहेत.