Pranali Kodre
जसप्रीत बुमराह हा भारतीय क्रिकेट संघातील प्रमुख वेगवान गोलंदाजांपैकी एक आहे.
बुमराहने आत्तापर्यंत त्याच्या गोलंदाजी शैलीने चाहत्यांसह अनेक क्रिकेट तज्ञांनाही प्रभावित केले आहे.
बुमराह 2013 पासून आयपीएल खेळत आहे, तर आंतरराष्ट्रीय क्रिकेटमध्ये त्याने 2016 साली पदार्पण केले.
विशेष म्हणजे आयपीएल, वनडे, टी20 आणि कसोटी पदार्पणातच त्याने दिग्गज फलंदाजांच्या विकेट्स घेत पदार्पण गाजवले.
बुमराहने जानेवारी 2018 मध्ये केपटाऊनला कसोटी पदार्पण केले, त्यावेळी त्याने पहिली विकेट मिस्टर 360 म्हणजेच एबी डिविलियर्सची घेतली होती.
त्यापूर्वी बुमराहने 23 जानेवारी 2016 रोजी सिडनीला ऑस्ट्रेलियाविरुद्ध वनडे पदार्पण केले होते. या सामन्यात त्याने त्याची पहिली विकेट स्टीव्ह स्मिथची घेतली.
त्यानंतर बुमराहने 26 जानेवारी 2016 रोजी ऍडलेडला ऑस्ट्रेलियाविरुद्ध आंतरराष्ट्रीय टी20 क्रिकेटमध्ये पदार्पण केले. या सामन्यात त्याने पहिल्यांदा डेव्हिड वॉर्नरला बाद केले होते.
बुमराहने 4 एप्रिल 2013 रोजी मुंबई इंडियन्सकडून रॉयल चॅलेंजर्स बेंगलोरविरुद्ध आयपीएल पदार्पण केले होते. या सामन्यात त्याने विराट कोहलीच्या रुपात पहिली आयपीएल विकेट मिळवली.