Akshata Chhatre
आपल्या व्यस्त जीवनशैलीमुळे आणि अनहेल्दी खाण्यामुळे अनेकजण त्वचेच्या समस्यांना सामोरे जातात.
त्यापैकीच एक प्रमुख समस्या म्हणजे डार्क सर्कल्स. थकवा, अपुरी झोप, तणाव आणि डीहायड्रेशन यांसारख्या अनेक कारणांमुळे डार्क सर्कल्स वाढतात.
अंडर आय क्रीम वापरल्याने तात्पुरता फरक दिसतो, पण त्यात असलेले केमिकल्स डोळ्यांच्या आरोग्यावर (जसे की लालसरपणा, वेदना) वाईट परिणाम करू शकतात.
यावर नैसर्गिक उपाय म्हणून कविता अरोरा यांनी डोळ्यांचे सोपे व्यायाम सांगितले आहेत.
डोळ्यांभोवती बोटांनी हलक्या हाताने टॅप करत गोलाकार फिरवा. क्लॉक वाइज आणि अँटी क्लॉक वाइज असे १०-१० वेळा करा आणि हा क्रम ३ वेळा पुन्हा करा. यामुळे रक्तप्रवाह वाढेल.
दोन्ही हातांचे अंगठे दुमडून त्याचा मोठा भाग डोळ्यांच्या खाली ठेवा. हलका दाब देत अंगठे डोळ्यांच्या कडांपर्यंत घेऊन जा. हा व्यायाम ५ वेळा पुन्हा करा.
तोंड उघडा आणि ओठ आतल्या बाजूला ओढा. दोन बोटांनी V-आकार करून डोळ्यांच्या कडांवर ठेवा आणि डोळे सलग १५ सेकंदांसाठी मिचकावा. हा व्यायाम ३ वेळा पुन्हा करा.