Pranali Kodre
भारत विरुद्ध इंग्लंड संघात कसोटी मालिकेतील चौथा कसोटी सामना 23 ते 26 फेब्रुवारी 2024 दरम्यान रांचीत पार पडला. या सामन्यात भारताने 5 विकेट्सने विजय मिळवला.
दरम्यान, रांची या शहरात भारताचा माजी कर्णधार एमएस धोनीचे घर असून तो तिथे राहतो.
त्यामुळे जडेजा चौथा कसोटी सामना संपल्यानंतर धोनीच्या घरी पोहचला होता.
विशेष म्हणजे त्याने धोनीच्या प्रशस्त फार्म हाऊसच्या गेट समोरच चाहत्यांप्रमाणे फोटोही काढला.
जडेजाने धोनीच्या फार्म हाऊसच्या गेट समोर चाहता म्हणून काढलेले फोटो शेअरही केले आहेत.
जडेजाने या फोटोंना कॅप्शन दिले आहे की 'चाहता म्हणून दिग्गजाच्या घरासमोर फोटो काढणे मजेशीर आहे.'
जडेजाच्या या फोटोंना मोठ्या प्रमाणात पसंती मिळत आहे.