Pranali Kodre
भारतात सध्या रणजी ट्रॉफी स्पर्धा सुरू आहे. या स्पर्धेत हरियाणा संघाने 9 ते 12 फेब्रुवारी दरम्यान झालेल्या सामन्यात झारखंडला एक डाव आणि 205 धावांनी पराभूत केलं.
या सामन्यात हरियाणाकडून राहुल तेवतियाने शानदार फलंदाजी करत 144 धावांची खेळी केली.
मात्र, या खेळीपेक्षा या सामन्यादरम्यानच्या राहुल तेवतियाच्या लूकचीच चर्चा सर्वत्र होत आहे.
राहुल तेवतिया नव्या लूकमध्ये अगदी पाकिस्तानचा माजी क्रिकेटपटू जावेद मियाँदादसारखाच दिसत आहे. त्यामुळे सर्वत्रच त्याबद्दल चर्चा आहे.
हुबेहूब मियाँदाद?
तेवतियाने मियाँदादसारखीच मिशी ठेवली आहे. तसेच त्याचे केसांची स्टाईल देखील तशीत असल्याने तो चाहत्यांना हुबेहूब मियाँदाद सारखा भासत आहे.
तेवतियाचे या नवीन लूकमधील फोटोही व्हायरल होत आहेत.
मियाँदाद पाकिस्तानचा दिग्गज खेळाडू आहे. त्याने 124 कसोटीत 52 च्या सरासरीने 8832 धावा ठोकल्या, तसेच 233 वनडेत 41 च्या सरासरीने 7381 धावा केल्या आहेत.