World Cup: 23 वर्षांच्या रचिनने मोडला सचिनचा विक्रम

न्यूझीलंड विरुद्ध पाकिस्तान

वनडे वर्ल्डकप 2023 स्पर्धेत 4 नोव्हेंबर रोजी न्यूझीलंड विरुद्ध पाकिस्तान बंगळुरूमधील एम चिन्नास्वामी स्टेडियमवर संघात सामना झाला.

रचिन रविंद्रचे शतक

या सामन्यात न्यूझीलंडचा 23 वर्षीय खेळाडू रचिन रविंद्रने शतक ठोकत नवे विक्रम रचले आहेत.

तिसरे शतक

रचिनने 94 चेंडूत 108 धावांची खेळी केली. त्याने या खेळीत 15 चौकार आणि 1 षटकार मारला. हे रचिनचे वर्ल्डकप 2023 स्पर्धेतील तिसरे शतक आहे.

विश्वविक्रम

रचिनने कारकिर्दीतील पहिल्या वनडे वर्ल्डकपमध्ये तीन शतके करणारा पहिला क्रिकेटपटू होण्याचा विश्वविक्रम आपल्या नावे केला आहे.

पहिलाच क्रिकेटपटू

त्याचबरोबर वयाची 25 वर्षे पूर्ण करण्यापूर्वीच वर्ल्डकपमध्ये 3 शतके करणाराही तो पहिलाच क्रिकेटपटू आहे.

सचिनचा विक्रम मोडला

रचिनने वयाची 25 वर्षे पूर्ण करण्यापूर्वी वर्ल्डकपमध्ये सर्वाधिक शतके करण्याच्या सचिन तेंडुलकरच्या विक्रमाला मागे टाकले आहे. सचिनने 25 वर्षे पूर्ण करण्यापूर्वी वर्ल्डकपमध्ये 2 शतके केली होती.

न्यूझीलंडकडूनही मोठा विक्रम

त्याचबरोबर रचिन न्यूझीलंडकडूनही एकाच वनडे वर्ल्डकप स्पर्धेत 3 शतके करणारा पहिलाच क्रिकेटपटू ठरला आहे.

रचिनच्या नावात द्रविड अन् सचिन

विशेष गोष्ट अशी की रचिनचे नाव त्याच्या आई-वडीलांनी सचिन तेंडुलकर आणि राहुल द्रविडच्या नावावरून ठेवले आहे. रचिन नावातील 'र' हे अक्षर राहुल द्रविडच्या नावातील आहे आणि 'चिन' ही अक्षरे सचिनच्या नावातील आहे.

टीम इंडियात हार्दिकची जागा घेणाऱ्या प्रसिद्ध कृष्णाची कशीये कामगिरी?