Manish Jadhav
बॉलिवूडपासून हॉलिवूडपर्यंत आपल्या अभिनयाच्या माध्यमातून ठसा उमटवणारी देसी गर्ल प्रियांका चोप्रा आज 42 वर्षांची झाली.
प्रियांका आपला आज 42 वा वाढदिवस दिवस साजरा करतेय. प्रियांका सध्या पती निक जोनासबरोबर अमेरिकेत राहते.
प्रियांका खूप आलिशान जीवन जगते. तिच्याकडे कोट्यवधींची संपत्ती आहे.
बॉलिवूडमधील सर्वाधिक मानधन घेणारी अभिनेत्री प्रियांका चोप्रा एका चित्रपटासाठी सुमारे 12 कोटी रुपये मानधन घेते. तर हॉलिवूड वेब सीरिजच्या एका एपिसोडसाठी सुमारे 2 कोटी रुपये घेते.
प्रियांका सोशल मीडियाच्या माध्यमातूनही मोठी कमाई करते. मीडिया रिपोर्ट्सनुसार, ती एका इंस्टाग्राम पोस्टसाठी 3 कोटी तर तर एका जाहिरातीसाठी जवळपास 5 कोटी रुपये घेते.
अभिनेत्री असण्यासोबतच प्रियांका एक यशस्वी बिझनेसवूमन देखील आहे. तिचा अनोमली नावाचा हेअर केअर ब्रँड आहे. याशिवाय, प्रियांकाचा परफेक्ट मोमेंट क्लोदिंग ब्रँडही आहे.
प्रियांकाचे न्यूयॉर्कमध्ये आलिशान रेस्टॉरंट आहे. तिच्या या रेस्टॉरंटचे नाव 'सोना रेस्टॉरंट' असे आहे.
प्रियांका चोप्राचे पर्पल पेबल पिक्चर्स नावाचे प्रोडक्शन हाऊसही आहे. देसी गर्लने डेटिंग ॲप बम्बलमध्येही पैसे गुंतवले आहेत.
प्रियांकाची मुंबईत दोन घरे आहेत ज्यांची किंमत प्रत्येकी 8 कोटी रुपये आहे. याशिवाय, तिची गोव्यातील बागा बीचजवळ एक प्रॉपर्टी आहे, ज्याची किंमत सुमारे 20 कोटी रुपये आहे.
मीडिया रिपोर्ट्सनुसार, प्रियांकाची एकूण संपत्ती 620 कोटी रुपये आहे. प्रियांका दर महिन्याला सुमारे 1.5 कोटी रुपये कमावते. तिच्याकडे एक प्रायव्हेट जेटही आहे.
प्रियांकाकडे अडीच कोटी रुपयांची रोल्स रॉयस कार आहे. ही कार खरेदी करणारी प्रियांका ही पहिली बॉलिवूड अभिनेत्री आहे. याशिवाय, मर्सिडीज बेंझ एस क्लास, पोर्श, मर्सिडीज बेंझ ई क्लास, मर्सिडीज-मेबॅक एस 650, ऑडी क्यू7 आणि 1.1 कोटी रुपयांच्या बीएमडब्ल्यू सारख्या अनेक कार आहेत.