Manish Jadhav
स्मार्टफोन उत्पादक कंपनी Poco India ने X7 स्मार्टफोन सीरीज लाँच होण्यापूर्वीच एक मोठा निर्णय घेतला आहे.
कंपनीने बॉलिवूड अभिनेता अक्षय कुमारला आपला ब्रँड ॲम्बेसेडर बनवले आहे. कंपनीचे म्हणणे आहे की, अक्षय कुमारची ब्रँड इमेज देखील त्यांच्या नवीन उत्पादनाच्या टॅग लाइनशी जुळते.
पोको इंडियाचे म्हणणे आहे की, ते ‘मेड ऑफ एमएडी’ फिलॉसॉफीवर काम करतात. कंपनीने X7 सीरीजसाठी Xceed Your Limit ही टॅगलाइन बनवली आहे.
Poco ची नवीन X7 सीरीज 9 जानेवारी 2025 ला लॉन्च होणार आहे. कंपनी उद्या संध्याकाळी 5:30 वाजता हा शानदार फोन लॉन्च करेल. खिशाला परवडणाऱ्या रेंजचा हा प्रीमियम स्मार्टफोन असेल.
मोबाईलप्रेमींना या फोनमध्ये 1.5K AMOLED 3D कर्व्ड डिस्प्ले मिळेल. तर Poco X7 Pro मध्ये 6550 mAh ची बॅटरी मिळू शकते. ही बॅटरी अॅडव्हान्स सिलिकॉन कार्बन टेक्नालॉजी बेस्ड असण्याची शक्यता आहे.
ब्रँड ॲम्बेसेडर बनल्यानंतर अक्षय कुमारने म्हटले की, पोकोसोबतची पार्टनरशिप हा नवा अध्याय आहे.