Pramod Yadav
पंतप्रधान नरेंद्र मोदी आज (ता.२७) गोवा भेटीवर येत असून सांकवाळ-बिर्ला येथे त्यांच्या जाहीर सभेचे आयोजन केले आहे.
बिट्स पिलानीसमोरील खुल्या जागेत होणाऱ्या या सभेला ५० हजारांपेक्षा जास्त लोक उपस्थित राहण्याची शक्यता भाजपने व्यक्त केलीय.
लोकसभा निवडणुकीमध्ये दक्षिण गोव्यातील उमेदवाराला जिंकून आणणे भाजपने अतिशय गांभीर्याने घेतली आहे.
दक्षिणेत पल्लवी धेंपे यांच्या प्रचारार्थ होणारी नरेंद्र मोदींची सभा भाजपसाठी निर्णायक ठरणार आहे.
मोदी या सभेत विरियातोंच्या संविधानाबाबत विधानावर पुन्हा भाष्य करतात का हे देखील पाहणं महत्वाचे ठरणार आहे.
गेल्या दहा वर्षातील राज्यातील विकासकामांचा लेखाजोखा देखील मोदी या सभेत मांडतील.
पंतप्रधान मोदींची ही सभा भाजपसाठी किती फलदायी ठरते हे चार जून रोजीच स्पष्ट होईल.