Sameer Amunekar
वरची माती कोरडी दिसली म्हणून लगेच जास्त पाणी देऊ नका. माती 1-2 इंच आतपर्यंत कोरडी असल्यासच योग्य प्रमाणात पाणी द्या.
उन्हाचा चटका असताना पाणी देण्याऐवजी सकाळी लवकर किंवा सूर्यास्तानंतर पाणी दिल्यास झाडांना ओलावा टिकवून ठेवण्यास मदत होते.
कुंडीत पाणी साचून राहिल्यास मुळांना त्रास होऊ शकतो. कुंडीच्या तळाशी पाण्याचा निचरा होण्यासाठी छिद्रे आहेत का, हे तपासा.
कोमेजलेली, पिवळी किंवा पूर्णपणे सुकलेली पाने काढून टाका. त्यामुळे झाडाची ऊर्जा नवीन वाढीसाठी वापरली जाऊ शकते.
कुंडीतील माती खूप घट्ट झाली असल्यास वरचा थर हलक्या हाताने सैल करा. त्यामुळे मुळांपर्यंत हवा पोहोचण्यास मदत होते.
कंपोस्ट किंवा चांगले कुजलेले सेंद्रिय खत योग्य प्रमाणात वापरल्यास झाडांना पोषकद्रव्ये मिळण्यास मदत होते. मात्र अति खत देणे टाळा.
पाऊस कमी आणि ऊन जास्त असेल तर नाजूक झाडांना दुपारच्या कडक उन्हापासून थोडी सावली द्या. यामुळे पानांवरील ताण कमी होण्यास मदत होऊ शकते.