Sameer Panditrao
हिमाचल प्रदेशातील कुलू जिल्ह्यातील मनाली येथील बर्फाच्छादित जंगलात चक्क मोराचे दर्शन झाले आहे.
समुद्रसपाटीपासून सहा हजार ८९३ फूट उंचीवर मोराचे दर्शन होण्याची ही दुर्मिळ घटना असल्याचे वनविभागाच्या अधिकाऱ्यांनी सांगितले.
जगतसुख गावाजवळ स्थानिक नागरिकांना हा मोर दिसला असून, त्याची चित्रफीत समाजमाध्यमांवर मोठ्या प्रमाणावर प्रसारित झाली आहे.
सामान्यतः मोर हे देशातील सखल आणि कमी उंचीच्या प्रदेशात आढळतात.
हिमाचलमध्येही ते कमी उंचीच्या डोंगराळ भागात आणि मैदानी प्रदेशात दिसतात.
मात्र, एवढ्या उंचीवर मोराचे दर्शन होणे अत्यंत दुर्मिळ आहे.
वाढते तापमान आणि जागतिक तापमानवाढीमुळे पक्षी अशा उंचावरील प्रदेशाकडे स्थलांतर करत असावेत.