Manish Jadhav
7 आणि 8 मे च्या रात्री पाकिस्तानने उत्तर आणि पश्चिम भारतातील अनेक लष्करी तळांवर क्षेपणास्त्र आणि ड्रोन हल्ले केले. हे हल्ले भारताच्या कारवाईनंतर झाले.
पाकिस्तानने अवंतिपुरा, श्रीनगर, जम्मू, पठाणकोट, अमृतसर, कपूरथला, जालंधर, लुधियाना, आदमपूर, भटिंडा, चंदीगड, नल, फलोदी, उत्तरलाई आणि भूज या ठिकाणांना लक्ष्य केले.
भारताच्या इंटिग्रेटेड काउंटर UAS ग्रिड आणि एअर डिफेन्स सिस्टिमने सर्व क्षेपणास्त्र आणि ड्रोन निष्प्रभ केले. कोणतीही गंभीर हानी झाली नाही.
पाकिस्तानकडून करण्यात आलेल्या हल्ल्यांचे अवशेष विविध ठिकाणी सापडले आहेत. यावरुन पाकिस्तानकडून झालेला हेतुपुरस्सर हल्ला सिद्ध होतो.
भारताने पाकिस्तानमधील अनेक एअर डिफेन्स रडार्स आणि सिस्टम्सवर हल्ला केला. लाहोर येथील एक एअर डिफेन्स युनिट निष्क्रिय करण्यात आले.
पाकिस्तानकडून कुपवाडा, बारामुल्ला, उरी, पूंछ, मेंधर व राजौरी येथे अकारण गोळीबार सुरु असून मोर्टार आणि तोफांचा वापर होत आहे.
भारतीय लष्कर शांततेचा मार्ग स्वीकारत असले तरी, कोणताही हल्ला झाला तर त्याला योग्य आणि तीव्र प्रत्युत्तर देण्यास भारत सक्षम आहे.