Pranali Kodre
भारतीय क्रिकेट संघ डिसेंबर 2023 महिन्यात दक्षिण आफ्रिका दौऱ्यावर जाणार आहे.
10 डिसेंबर 2023 रोजी सुरु होणारा हा दौरा 7 जानेवारी 2024 रोजी संपेल. या दौऱ्यात भारताला 3 टी२०, 3 वनडे आणि 2 कसोटी सामन्यांची मालिका खेळायची आहे.
या तिन्ही मालिकांसाठी 30 नोव्हेंबर रोजी बीसीसीआयने भारतीय संघांची घोषणा केली आहे.
या तिन्ही मालिकांसाठी भारताच्या निवड समितीने तीन वेगवेगळे संघ निवडले आहेत. तीन संघात मिळून बीसीसीआयने एकूण 32 खेळाडूंची निवड केली आहे.
विशेष म्हणजे दक्षिण आफ्रिका दौऱ्यासाठी निवडलेल्या तिन्ही संघात केवळ तीनच खेळाडू कायम आहेत.
फलंदाज श्रेयस अय्यर, ऋतुराज गायकवाड आणि मुकेश कुमार हे तीनच असे खेळाडू आहेत, जे संपूर्ण दक्षिण आफ्रिका दौऱ्याचा म्हणजेत तिन्ही भारतीय संघाचा भाग असणार आहेत.
श्रेयस आणि मुकेश हे दोघेही यापूर्वी भारताकडून तिन्ही प्रकारात खेळले आहेत, तर ऋतुराजला पहिल्यांदाच कसोटी संघात संधी मिळाली आहे.