Sameer Panditrao
सकाळी उठल्यापासून आपल्या डोक्यात ऑफीसच्या कामांची यादी सुरू होते.
काही सोप्या गोष्टी केल्यास हा शीण निघून जाण्यास मदत होते.
सतत लॅपटॉपकडे पाहून डोळ्यांवर ताण येण्याची शक्यता असते. अशावेळी डोळे लॅपटॉपपासून दूर ठेवून त्याचे काही सोपे व्यायाम करावेत.
डोळ्यांची बुबुळं वर-खाली, डावीकडे आणि उजवीकडे, गोलाकार फिरवावीत. यामुळे डोळ्यांचा ताण कमी होण्यास मदत होते.
काम करुन कंटाळा आला की आपण चहा किंवा कॉफी घ्यायला मित्रमंडळींसोबत कँटीनमध्ये जातो. अशावेळी चहा-कॉफीबरोबरच आपण काही ना काही जंक फूडही खातो.
मात्र असे करणे आरोग्याच्यादृष्टीने अजिबात चांगले नसते. त्याऐवजी एखादे फळ किंवा दाणे खाणे केव्हाही चांगले.
श्वास घेणे आणि श्वास सोडणे यामुळे आपल्याला रिलॅक्स वाटण्यास मदत होते. काम करताना मधे ब्रेक घेऊन या क्रिया अवश्य करा.
त्यामुळे कामाचा ताण निघून जाण्यास मदत होईल. उभे राहून किंवा खुर्चीत बसून काही सोपे योगा प्रकार अवश्य करा.