Pranali Kodre
14 जानेवारीपासून ऑस्ट्रेलियन ओपन 2024 स्पर्धेला सुरुवात होणार आहे. या मुख्य स्पर्धेला सुरुवात होण्यापूर्वी मेलबर्न पार्कवर एक प्रदर्शनिय कार्यक्रम पार पडला.
या कार्यक्रमासाठी अनेक सेलिब्रेटी उपस्थित होते. यामध्ये ऑस्ट्रेलिया क्रिकेट संघाचा स्टार फलंदाज स्टीव्ह स्मिथचाही समावेश होता.
विशेष म्हणजे स्मिथला 24 ग्रँडस्लॅम विजेत्या नोवाक जोकोविचबरोबर टेनिस खेळण्याची संधीही मिळाली.
जोकोविचच्या सर्व्हवर स्मिथने शानदार रिटर्न केल्याचे पाहून जोकोविचही आवाक झाला होता आणि त्याने स्मिथचे कौतुकही केले.
तसेच नंतर स्मिथने जोकोविचबरोबर क्रिकेटही खेळले.
यावेळी जोकोविच स्मिथला गोलंदाजी करताना दिसला, जोकोविच एक चेंडू टाकताना चूकला, पण नंतर टाकलेला चेंडू स्मिथने प्रेक्षकांमध्ये भिरकावला.
नंतर जोकोविचही फलंदाजी करताना दिसला, त्यानेही काही चेेंडू बॅटने जोरदार फटके मारत प्रेक्षकांमध्ये भिरकावले.