Pramod Yadav
उत्तर गोवा पोलिसा गेल्या 19 दिवसांपासून उत्तरेत ऑपरेशन राखणच्या मदतीने जिल्ह्यात तपासणी मोहीम राबवत आहेत.
उत्तर गोव्यातील विविध ठिकाणी पोलिसांनी तपासणी नाके उभारले आहेत.
या तपासणी नाक्यावर पोलिस संशयित वाहने, व्यक्तींची कसून तपासणी करत आहेत.
गेल्या काही दिवसांत जिल्ह्यात घरात चोरी, घरफोडी तसेच मंदिरात चोरीच्या घटनांमध्ये वाढ झाली आहे.
चोरी किंवा इतर गुन्हेगारी घटनांमध्ये झालेली वाढ कमी करण्याच्या दृष्टीने पोलिसांनी ही मोहीम हाती घेतली आहे.
पोलिसांच्या या ऑपरेशन राखणचा 19 वा दिवस असून, संशयित वाहनांची चौकशी केली जात आहे.
राज्य आणि लोकांच्या सुरक्षेच्या दृष्टीने ऑपरेशन राखण महत्वाचे ठरतंय, असे पोलिसांनी म्हटलंय.