Sameer Amunekar
कुंडीच्या तळाशी असलेले छिद्र (Hole) मोकळे आहे का ते तपासा. त्यात माती किंवा दगड अडकल्यास पाणी साचून झाडांची मुळे सडू शकतात.
सतत पाऊस पडत असेल, तर कुंडीतील माती सुकेपर्यंत झाडांना वेगळे पाणी घालू नका. माती जास्त चिखल झाली असेल, तर काही दिवस झाड शेडखाली किंवा गॅलरीत सरकवा.
मनी प्लांट, स्नेक प्लांट किंवा इतर इनडोअर झाडांना पावसाचे पाणी खूप आवडते. आठवड्यातून एकदा तरी त्यांना काही तासांसाठी पावसात ठेवा, जेणेकरून पानांवरील धूळ निघून जाईल आणि झाड ताजेतवाने होईल.
पावसाळ्यात झाडांची वाढ वेगाने होते. या काळात शेणखत किंवा गांडूळ खत (Vermi-compost) द्या. मात्र, खत दिल्यानंतर लगेच मुसळधार पाऊस येणार नाही याची काळजी घ्या, नाहीतर खत वाहून जाईल.
पावसाळ्यात झाडांवर बुरशी (Fungus) किंवा किडे लागण्याचा धोका जास्त असतो. यासाठी दर १५ दिवसांनी झाडांवर कडुलिंबाचे तेल (Neem Oil) किंवा हळदीचे पाणी फवारा.
झाडांच्या सुकलेल्या फांद्या आणि पिवळी पडलेली पाने वेळीच कापून टाका. पावसाळ्यात छाटणी केल्यामुळे झाडाला नवीन पालवी फुटते आणि झाड अधिक सुबक व दाट दिसते.
कॅक्टस किंवा सक्युलंट्स (Succulents) सारख्या ज्या झाडांना कमी पाणी लागते, त्यांना पावसाच्या थेट पाण्यापासून दूर ठेवा. तसेच, कुंडीखालील प्लेट्स काढून टाका जेणेकरून त्यात पाणी साचून डास होणार नाहीत.