Manish Jadhav
रायगड जिल्ह्यातील महाड तालुक्यात अत्यंत नयनरम्य असा नेनेमची धबधबा आहे. घनदाट जंगल आणि सह्याद्रीच्या कुशीत लपलेला हा धबधबा पावसाळ्यात पर्यटकांचे मुख्य आकर्षण ठरतो.
या धबधब्याचे सर्वात मोठे वैशिष्ट्य म्हणजे तीव्र वाऱ्यामुळे येथील पाणी बऱ्याचदा खालून वरच्या दिशेने उडताना दिसते. त्यामुळे याला रायगडचा 'रिव्हर्स वॉटरफॉल' म्हणूनही ओळखले जाते, जो पाहणे एक थरारक अनुभव आहे.
धबधब्याच्या मुख्य प्रवाहाच्या मागे एक विस्तीर्ण नैसर्गिक गुहा आहे. डोंगरावरुन कोसळणारे पांढरेफेक पाणी आणि आजूबाजूला असलेली ही कातळ घळ या धबधब्याच्या सौंदर्यात कमालीची भर घालते.
नेनेमची धबधब्यापर्यंत पोहोचण्यासाठी जंगलातून आणि डोंगराळ भागातून छोटा ट्रेक करावा लागतो. पावसाळी वातावरणात धुक्याची चादर पांघरलेल्या या वाटेवरुन ट्रेकिंग करणे ट्रेकर्ससाठी अत्यंत थरारक ठरते.
हिरवेगार डोंगर, कोसळणाऱ्या पाण्याच्या पांढऱ्या धारा आणि धुक्याचे साम्राज्य यामुळे हा परिसर फोटोग्राफी आणि रिल्स बनवण्यासाठी उत्तम मानला जातो.
मुंबई आणि पुण्यापासून साधारण 4 ते 5 तासांच्या अंतरावर असल्याने, शनिवार-रविवारच्या सुट्टीत एका दिवसाच्या पावसाळी सहलीसाठी किंवा 'वन डे ट्रेक'साठी नेनेमची हा एक सर्वोत्तम आणि शांत पर्याय आहे.
पावसाळ्यात येथील पाण्याचा प्रवाह अचानक वाढू शकतो आणि दगड निसरडे होतात. त्यामुळे धबधब्याच्या मुख्य प्रवाहात जास्त खोल न जाता, स्थानिक प्रशासनाच्या नियमांचे पालन करुन सुरक्षित अंतरावरुनच निसर्गाचा आनंद घेणे गरजेचे आहे.