Sameer Amunekar
गरोदर महिलांनी कडुनिंबाच्या रसाचे सेवन टाळावे, कारण यामुळे गर्भाशयावर परिणाम होण्याची शक्यता असते. तसेच स्तनपान करणाऱ्या मातांनीही डॉक्टरांच्या सल्ल्याशिवाय याचे सेवन करू नये.
लहान मुलांच्या शरीरासाठी कडुनिंबाचा अर्क खूप जड असू शकतो. यामुळे मुलांमध्ये उलट्या, जुलाब किंवा यकृताशी संबंधित समस्या निर्माण होऊ शकतात, त्यामुळे त्यांना हा रस देऊ नये.
ज्या लोकांना किडनीशी संबंधित गंभीर आजार आहेत, त्यांच्यासाठी कडुनिंबाचा रस विषारी ठरू शकतो. कडुनिंबातील काही घटक किडनीवर ताण निर्माण करू शकतात.
जर तुमची कोणतीही शस्त्रक्रिया (Surgery) होणार असेल, तर किमान दोन आठवडे आधी कडुनिंबाचा रस पिणे बंद करावे. यामुळे रक्तातील साखरेच्या पातळीवर परिणाम होऊन शस्त्रक्रियेदरम्यान अडचणी येऊ शकतात.
कडुनिंब रक्तातील साखर वेगाने कमी करते. जर तुम्ही आधीच मधुमेहाची औषधे घेत असाल, तर कडुनिंबाच्या रसामुळे तुमची शुगर लेव्हल अतिशय कमी (Hypoglycemia) होण्याची भीती असते.
काही संशोधनानुसार, कडुनिंबाचा अतिवापर प्रजनन क्षमतेवर परिणाम करू शकतो. त्यामुळे जे जोडपे फॅमिली प्लॅनिंग करत आहेत किंवा वंध्यत्वावर उपचार घेत आहेत, त्यांनी याचे सेवन टाळावे.
कडुनिंब रोगप्रतिकारशक्ती (Immune System) अतिशय सक्रिय करते. त्यामुळे ल्युपस (Lupus) किंवा संधिवात (Rheumatoid Arthritis) यांसारख्या ऑटोइम्यून आजारात त्रास कमी होण्याऐवजी वाढण्याची शक्यता असते.