Akshay Nirmale
नवाझ या चित्रपटात कस्टम विभागाचे अधिकारी कोस्टा फर्नांडिस यांच्या भूमिकेत दिसणार आहे. हा कोस्टा यांचा बायोपिक असणार आहे.
कोस्टा यांनी 1991 मध्ये गोव्याचे माजी मुख्यमंत्री चर्चिल आलेमाव आणि त्यांच्या बंधुविरोधातील सोने तस्करीचे प्रकरण उघडकीस आणले होते.
सेजल शाह या चित्रपटाचे दिग्दर्शन करत आहे. या चित्रपटाच्या शूटिंगला २६ ऑक्टोबरपासून मुंबईत सुरुवात झाली आहे.
नवाझुद्दिन आणि अभिनेत्री प्रिया बापट यांच्यात काही दृश्यांचे चित्रिकरण झाले आहे. गोव्यात या चित्रपटाच्या दुसऱ्या शेड्युलचे चित्रिकरण सुरू आहे.
यात काही अॅक्शन सीक्वेन्सेस शुट केले जाणार आहेत. त्यात फायटिंग आणि पाठलागाची दृश्ये आहेत.
डिसेंबर अखेरपर्यंत गोव्यात शुटिंग आणि नंतर पुन्हा अखेरचे शेड्युल मुंबईत चित्रित होणार आहे.
नवाझचा हा चौथा बायोपिक असेल. यापुर्वी त्याने मांझी, मंटो आणि ठाकरे हे बायोपिक केले आहेत. याशिवाय त्याचे सेक्शन 108 आणि मार्वलस हे चित्रपटही येणार आहेत.