National Film Award पटकावलेला 'सूर्या' कापड कारखान्यात काम करायचा

दक्षिण चित्रपटांचा सुपरस्टार, सूर्याला 'सूरराई पोत्रू' चित्रपटासाठी सर्वोत्कृष्ट अभिनेत्याचा राष्ट्रीय पुरस्कार जाहीर झाला आहे.

पण एक काळ असा होता की या इंडस्ट्रीत ठसा उमटवण्यासाठी त्यांना खूप मेहनत करावी लागली.

चित्रपटसृष्टीशी निगडीत असूनही त्याने खूप संघर्ष केला. सुर्या हा तमिळ अभिनेता शिवकुमारचा मुलगा आहे पण त्याने स्वत:च्या बळावर इंडस्ट्रीत आपले नाव मोठे केले.

सूर्याला वयाच्या 20 व्या वर्षी चित्रपटात काम करण्याची ऑफर मिळाली होती.

1995 मध्ये त्याला 'असाई' या चित्रपटात मुख्य भूमिकेची ऑफर आली पण सुर्याला चित्रपटांमध्ये रस नव्हता, त्यामुळे त्याने ही ऑफर नाकारली होती.

फिल्मी दुनियेत विशेष रस नसल्यामुळे त्यांने कापडाच्या कारखान्यात काम करायला सुरुवात केली.

तेव्हा त्याने तिथल्या लोकांपासून आपली ओळख लपवून ठेवली होती की तो अभिनेता शिवकुमारचा मुलगा आहे.

सुमारे 8 महिने त्याने कापड कारखान्यात काम केले आणि या कारखान्यातील कामाच्या बदल्यात त्याला दरमहा एक हजार रुपये मिळायचे.

1997 मध्ये दिग्दर्शक वसंत यांच्या 'नेरुक्कू नेर' या चित्रपटातून त्याने सिनेसृष्टित पदार्पण केले.या चित्रपटाचे निर्माते मणिरत्नम होते.

साऊथच्या चित्रपटांमध्ये आपले नाव कमावण्यासाठी त्याने खूप मेहनत केली आणि खूप मजल मारली.