Pranali Kodre
वूमन्स प्रीमियर लीग 2024 स्पर्धा (WPL 2024) 23 फेब्रुवारीपासून चालू झाली आहे. यंदा या स्पर्धेचा दुसरा हंगामत खेळवला जात आहे.
डब्ल्युपीएलच्या दुसऱ्या हंगामातही मुंबई इंडियन्सने प्लेऑफमध्ये जागा मिळवण्यात यश मिळवले आहे.
गतविजेता मुंबई इंडियन्स संघ डब्ल्युपीएलच्या दुसऱ्या हंगामात प्लेऑफ गाठणारा पहिला संघ ठरला आहे.
डब्ल्युपीएलमध्ये सहभागी पाच संघांचे एकूण प्रत्येकी 8 सामने खेळून झाल्यानंतर गुणतालिकेत पहिल्या तीन क्रमांकावरील संघ प्लेऑफमध्ये प्रवेश करतात.
त्यामुळे मुंबई इंडियन्सने डब्ल्युपीएलच्या दुसऱ्या हंगामात 7 पैकी 5 सामने जिंकून 10 गुणांसह पहिल्या तीनमधील स्थान पक्के केल आहे.
मुंबई इंडियन्सचा साखळी फेरीतील एक सामना बाकी आहे. हा सामना 12 मार्च रोजी रॉयल चॅलेंजर्स बेंगलोरविरुद्ध होणार आहे.
डब्ल्युपीएलच्या नियमानुसार साखळी फेरीनंतर गुणतालिकेत अव्वल क्रमांकवर राहणारा संघ थेट अंतिम सामन्यात प्रवेश करतो, तर दुसऱ्या आणि तिसऱ्या क्रमांकावरील संघात एलिमिनेटरचा सामना खेळवला जातो. या सामन्यातील विजेता संघ अंतिम सामन्यात पोहचतो.