Pranali Kodre
भारतीय क्रिकेट संघाचे 2023 मधील सर्व वनडे सामने खेळून झाले आहेत. भारताने या या वर्षात 35 वनडे सामने खेळले.
भारताने खेळलेल्या 35 वनडेतील 27 सामन्यांत विजय मिळवले, तर 7 सामन्यात पराभव पत्करला आणि 1 सामन्याचा निकाल लागला नाही.
दरम्यान, 2023 मध्ये भारताकडून वनडेत विराट कोहलीने 6 शतके, शुभमन गिलने 5 शतके, श्रेयस अय्यरने 3 शतके, रोहित शर्मा व केएल राहुलने प्रत्येकी 2 शतके आणि संजू सॅमसनने 1 शतक अशी एकूण 19 शतके ठोकण्यात आली.
त्यामुळे भारताने पुन्हा एकदा एकाच वर्षात वनडेत सर्वाधिक शतके ठोकणाऱ्या संघांच्या यादीत आपल्याच विश्वविक्रमाशी बरोबरी केली आहे.
याआधी भारतीय संघाकडून 2017 साली देखील वनडेत 19 शतके ठोकण्यात आली होती.
त्याचबरोबर एकाच वर्षात सर्वाधिक वनडे शतके करणाऱ्या संघांच्या यादीत दुसऱ्या क्रमांकावर भारत आणि दक्षिण आफ्रिका संयुक्तरित्या आहे.
भारतीय संघाकडून 1998 साली वनडेत 18 शतके ठोकण्यात आली होती.
तसेच दक्षिण आफ्रिका संघाकडून 2015 आणि यावर्षी म्हणजेच 2023 साली वनडेत प्रत्येकी 18 शतके ठोकण्यात आली आहेत.