Manish Jadhav
आरोग्य निरोगी ठेवण्यासाठी आहाराकडे विशेष लक्ष देणे खूप गरजेचे असते. आहारात फळांचा समावेश केला तर अनेक फायदे मिळतात. या फळांपैकीच एक केळी आहे..
आजकाल लोक सकाळी नाश्त्यात भरपूर केळी खातात. असे मानले जाते की, हा आहार आरोग्य सुधारण्यास मदत करु शकतो.
आज (20 एप्रिल) आपण या वेबस्टोरीच्या माध्यमातून सकाळी नाश्त्यामध्ये केळी खाण्याचे काय फायदे आहेत याबाबत जाणून घेऊया...
आहार तज्ञांच्या मते, सकाळचा केळीचा आहार आरोग्यासाठी फायदेशीर ठरु शकतो. केळीमध्ये नैसर्गिक साखर, फायबर आणि पोटॅशियम भरपूर प्रमाणात असते.
सकाळी लवकर केळी खाल्ल्याने शरीराला त्वरित ऊर्जा मिळते आणि पोट बराच वेळ भरलेले राहते. यामुळे शरीरातील चयापचय वाढतो आणि कॅलरीज कमी होण्यास मदत होते.
केळीमध्ये असलेले पोटॅशियम रक्तदाब नियंत्रित करण्यास आणि हृदयरोगाचा धोका कमी करण्यास मदत करते.
केळीमध्ये असलेले ट्रिप्टोफॅन संयुग चिंता, तणाव, अस्वस्थता आणि निद्रानाश दूर करण्यास मदत करते.
केळीमध्ये असलेले अँटिऑक्सिडंट्स आणि फायबर अन्नपचन होण्यास मदत करतात.