Sameer Panditrao
गोव्यातील एका निसर्गरम्य टेकडीवर दरवर्षी होणारा माँत संगीत महोत्सव यंदा झाला. विविध कलांचा अाविष्कार उपस्थितांना अनुभवता आला.
ओडिसी आणि भरतनाट्यम यांचा समन्वय करत राहुल आणि मिताली यांनी वारसा आणि समकालीन यांचा संगम साधत दोन्ही नृत्यपरंपरांचा अविष्कार मोहकपणे सादर केला.
ईशान्य भारतातील एओ नागा कॉयर ग्रुपने चेंजिंग होरायझन्स या आपल्या कार्यक्रमाद्वारे ईशान्य भारतातील सांस्कृतिक परंपरेत रुजलेले गायन सादर केले.
समकालीन ‘फादो’ गायन शैलीमध्ये रिकार्डो रिबेरो यांचे नाव आदरपूर्वक घेतले जाते. त्यांनीही या महोत्सवात आपल्या भारदार आवाजाने उपस्थितांना मोहविले.
पेरेडेस स्टुटी कोरल आणि स्ट्रिंग एन्सेंबल या दोन्ही ग्रुपनी मिळून, पोर्तुगीज गिटारचे ज्यांना राजदूत मानले जाते अशा कार्लोस पेरेडस यांच्या शताब्दीच्या निमित्ताने वाद्यवृंद सादर केला.
पहिल्या दिवशी कार्यक्रमात सोनिया शिरसाट यांनी कोकणी आणि पोर्तुगीज भाषांमध्ये गीते सादर केली. संगीतकारांनी तिला साथ दिली.
ग्रॅमी-पुरस्कृत विख्यात सतार वादक असद खान यांच्या नेतृत्वाखाली झालेल्या ‘रूट्स’ या कार्यक्रमात लोकपरंपरेतील संगीताचा आस्वाद या महोत्सवात घेता आला.