Sameer Amunekar
पावसाळ्यात केसांमधील आर्द्रता कमी होते. कोरफड जेल केसांच्या मुळांना लावून हलक्या हाताने मसाज करा. यामुळे केस हायड्रेटेड राहतात आणि केसांची वाढ चांगली होते.
नारळाच्या तेलात कढीपत्त्याची पाने गरम करून हे तेल कोमट असताना केसांच्या मुळांना लावा. कढीपत्त्यातील पोषक घटक केसांना आतून पोषण देतात आणि केस दाट करण्यास मदत करतात.
रात्रभर भिजवलेले मेथी दाणे सकाळी वाटून त्याची पेस्ट तयार करा. हे मिश्रण केसांना लावून ३० मिनिटांनी धुवा. यामुळे केस गळणे कमी होऊन ते मजबूत होतात.
आवळा आणि शिककाई पावडरची पेस्ट केसांना लावून नैसर्गिकरीत्या केस स्वच्छ करा. यामुळे केसांचा नैसर्गिक काळेपणा टिकून राहतो आणि केसांना नैसर्गिक चमक मिळते.
दह्यामध्ये प्रोबायोटिक्स असतात जे टाळूची (Scalp) स्वच्छता राखतात. दह्याचा मास्क लावल्याने केसांना कंडिशनिंग मिळते आणि केस मऊ व चमकदार दिसतात.
कांद्याचा रस केसांच्या मुळांना लावल्याने टाळूतील रक्ताभिसरण सुधारते. यामुळे केस गळती थांबते आणि नवीन केस येण्यास (Hair growth) मोठी मदत होते.
पावसाचे पाणी केसांवर पडल्यास ते लगेच शॅम्पूने स्वच्छ करा, कारण पावसात असणाऱ्या प्रदूषित घटकांमुळे केस कमकुवत होऊ शकतात. सौम्य शॅम्पूचा वापर करणे कधीही चांगले.