गोमन्तक डिजिटल टीम
चतुर्थीला अवघा एकच दिवस राहिला असल्याने बाजारात माटोळीसाठी लागणारे साहित्य मोठ्या प्रमाणात विक्रीसाठी उपलब्ध झाले आहे.
माटोळीचे साहित्य गेल्या वर्षीच्या तुलनेत यंदा मोठ्या प्रमाणात दाखल झाले आहे.
पावसाने विश्रांती घेतल्याने खरेदीही चांगली होत आहे.
शेतकरी रानात जाऊन माटोळीचे सामान आणतात. या बाजारात एकाच ठिकाणी सर्व प्रकारचे साहित्य मिळते.
बाजारात हरण वनस्पती, नारळाची पेंडी, कांगले, करमलाची फळे, कराणे, तोरिंगण, केवणीचे दोर, श्रीफळ तसेच अन्य साहित्य मोठ्या प्रमाणात दिसत आहेत.
या बाजारात पूजा साहित्य, भाजीपाला, मिठाई, मसाले, लोणची व पापड, नारळ, फुले, मखर, पत्रावळी आणि केळीची पाने, लाकडी वस्तू, रांगोळी, सेंद्रिय गूळसुद्धा उपलब्ध असतात.
माटोळी बाजारात खरेदीसाठी उसळलेल्या गर्दीने वाहतूक व्यवस्थेचे तीनतेरा वाजले. ही वाहतूक कोंडी सोडवण्यासाठी वाहतूक पोलिसांना बरीच कसरत करावी लागत आहे.