Pranali Kodre
14 फेब्रुवारी रोजी प्रेमाचा दिवस म्हणजेच व्हॅलेंटाईन डे साजरा केला जातो. याच दिवसानिमित्त क्रीडा क्षेत्रातीलच जोडीदार निवडलेल्या जोडप्यांबद्दल जाणून घेऊ.
सायना नेहवाल आणि परुपल्ली कश्यप हे दोघेही बॅडमिंटन खेळत असल्याने अनेक वर्षांपासून एकमेकांना ओळखतात.
भारतीय क्रिकेटपटू दिनेश कार्तिक आणि स्क्वॅशपटू दिपीका पल्लिकल यांनी 2015 मध्ये लग्न केले. त्यांना दोन जुळी मुलंही आहेत.
अतानू दास आणि दिपीका कुमारी या जोडप्याने तिरंदाजीत भारताला मोठे यश मिळवून दिले आहे. त्यांनी 2020 मध्ये लग्न केले आहे.
बजरंग पुनिया आणि संगिता फोगट ही देखील चर्चेत राहणारी जोडी असून दोघेही कुस्ती खेळतात. या दोघांनी 2020 मध्ये लग्नगाठ बांधली.
ऋतुराज गायकवाड आणि उत्कर्षा पवार यांनी २०२३ मध्ये लग्न केले. हे दोघेही क्रिकेटपटू आहेत.
साक्षी मलिक आणि सत्यवर्त कादियान हे एकमेकांचे चांगले मित्र होते. त्यांच्या मैत्रीचे प्रेमात रुपांतर झाले आणि त्यानंतर त्यांनी 2017 मध्ये लग्न केले. हे दोघेही कुस्तीपटू आहेत.
भारतीय क्रिकेटपटू इशांत शर्माची पत्नी प्रतिमा ही बास्केटबॉलपटू आहे. त्यांनी 2016 मध्ये लग्न केले.