गोमन्तक डिजिटल टीम
दक्षिण भारत म्हटले की आपल्याला उंच गोपुरांची सुंदर मंदिरे, कॉफीचे मळे, निलगिरीच्या झाडांनी सजलेले रस्ते, स्वच्छ किनारे आठवतात.
दक्षिण भारतात तुम्हाला बर्फवृष्टीचा आनंद घेता येईल असे सांगितले तर तुमचा विश्वास बसेल का?
आंध्र प्रदेशात एक गाव आहे लंबसिंगी जिथे तुम्ही बर्फवृष्टी अनुभवू शकता.
समुद्रसपाटीपासून १००० मीटर उंचीवर वसलेल्या लंबसिंगी हिल स्टेशनला ‘आंध्र प्रदेशचे काश्मीर’ असे संबोधले जाते.
निसर्गसौंदर्याने नटलेल्या दर्‍या आणि थंड हवामान असणारे ‘लंबसिंगी’ हे दक्षिणेतील बर्फवृष्टी होणारे एकमेव ठिकाण आहे.
हिवाळ्यात लंबसिंगीचे तापमान शून्य अंश सेल्सिअस इतके कमी होते आणि बर्फाच्या चादरीमुळे गाव पांढरेशुभ्र दिसते.
लंबसिंगी स्वतंत्र आदिवासी समुदायाचा प्रदेश आहे. हे आदिवासी मिरपूड आणि कॉफीच्या मळ्यात काम करतात.
लंबासिंगीचे सर्वात जवळचे विमानतळ विशाखापट्टणम विमानतळ आहे, जे लंबासिंगीपासून १०७ किमी अंतरावर आहे. विशाखापट्टणम येथून बससेवा उपलब्ध आहे.