Manish Jadhav
तांदूळ भिजवलेले पाणी फेकून न देता ते स्प्रे बॉटलमध्ये भरा. हे नैसर्गिक 'राईस वॉटर टोनर' चेहऱ्यावर स्प्रे केल्याने ओपन पोर्स बारीक होतात आणि त्वचेवर काचेसारखी चमक येते.
फक्त फेसवॉशने धुण्याऐवजी आधी ऑलिव्ह किंवा नारळाच्या तेलाने चेहरा 2 मिनिटे मसाज करा आणि मग सौम्य फेसवॉश वापरा. यामुळे मेकअप, धूळ आणि जास्तीचे तेल मुळापासून साफ होते.
कोरियन महिला टोनर किंवा रोझ वॉटर चेहऱ्यावर एकदाच न लावता, हलक्या हाताने टॅप करत 3 ते 7 वेळा लावतात. यामुळे त्वचेच्या आतपर्यंत ओलावा पोहोचतो आणि चेहरा दिवसभर ताजा दिसतो.
उकडलेले तांदूळ बारीक वाटून त्यात 1 चमचा मध आणि थोडे दूध मिसळा. हा पॅक चेहऱ्यावर 15 मिनिटे लावल्यास डाग कमी होतात आणि त्वचेला मखमली मऊपणा मिळतो.
ग्रीन टी बनवून ती आईस ट्रेमध्ये गोठवा. रोज सकाळी या बर्फाच्या क्यूबने चेहऱ्यावर मसाज करा. यामुळे चेहऱ्याची सूज कमी होते आणि रक्ताभिसरण सुधारुन नॅचरल ग्लो येतो.
महागड्या शीट मास्कऐवजी कॉटन पॅड्स ताज्या कोरफडीच्या रसात आणि गुलाबाच्या पाण्यात भिजवून 10 मिनिटे चेहऱ्यावर ठेवा. यामुळे त्वचेला तात्काळ थंडावा आणि हायड्रेशन मिळते.
रोज रात्री चेहऱ्यावर बोटांच्या टोकांनी वरच्या दिशेने मसाज करा, ज्यामुळे सुरकुत्या पडत नाहीत. तसेच, उन्हात जाण्यापूर्वी आणि घरात असतानाही सनस्क्रीन लावायला अजिबात विसरु नका!