Manish Jadhav
थंडीत चेहरा धुण्यासाठी कधीही गरम पाणी वापरु नका. यामुळे चेहऱ्यातील नैसर्गिक तेल सुकून त्वचा आणखी जास्त रखरखीत होते.
चेहरा धुताना नेहमी कोमट पाणीच वापरा. यामुळे त्वचा सुरक्षित राहून चेहऱ्याचा ताजेपणा कायम टिकून राहतो.
उन्हाळ्यासारखा तेलकटपणा काढणारा स्ट्रॉँग फेसवॉश हिवाळ्यात अजिबात लावू नका. त्याऐवजी त्वचा मऊ ठेवणारा क्रिमसारखा हलका आणि सौम्य फेसवॉश वापरा.
चेहरा धुतल्यानंतर तो टॉवेलने कधीही जोरजोराने रगडून पुसू नका. त्याऐवजी मऊ कपड्याने हलक्या हाताने हळूवारपणे पाणी टिपून घ्या.
चेहरा पूर्ण कोरडा होण्याआधीच त्यावर लगेच मॉइश्चरायझर वा क्रीम लावा. यामुळे त्वचेतील ओलावा आणि चमक आतल्या आत लॉक होऊन जाते.
थंडीच्या दिवसांत दिवसभरात वारंवार चेहरा धुणे टाळा. यामुळे त्वचेचं रक्षण करणारा नैसर्गिक थर खराब होतो, म्हणून दिवसातून फक्त दोनदाच चेहरा धुवा.
अंगाला लावायचा साबण चेहऱ्यासाठी कधीही वापरु नका. साबणातील कडक केमिकल्समुळे हिवाळ्यात त्वचा लगेच पांढरी आणि निस्तेज पडू शकते.