Sameer Amunekar
छत्रपती शिवाजी महाराजांच्या पराक्रमाची साक्ष देणारा हा ऐतिहासिक जलदुर्ग मालवणच्या समुद्रात वसलेला आहे. किल्ल्याची भव्य तटबंदी आणि बोटीतून होणारा प्रवास पर्यटकांना आकर्षित करतो.
निळेशार समुद्र, स्वच्छ वाळू आणि शांत वातावरणासाठी तारकर्ली प्रसिद्ध आहे. स्कूबा डायव्हिंग, स्नॉर्केलिंग यांसारख्या जलक्रीडांचा आनंद घेण्यासाठीही हे लोकप्रिय ठिकाण आहे.
करली नदी आणि अरबी समुद्राच्या संगमाचे निसर्गरम्य दृश्य येथे पाहायला मिळते. बोटिंग, डॉल्फिन सफारी आणि समुद्रकिनाऱ्यावरील सुंदर दृश्यांचा अनुभव घेण्यासाठी हे ठिकाण उत्तम आहे.
धुक्याने वेढलेले डोंगर, हिरवीगार वनराई आणि धबधबे यांमुळे आंबोली पर्यटकांचे आवडते ठिकाण बनले आहे. विशेषतः पावसाळ्यात येथील निसर्गसौंदर्य खुलून दिसते.
गर्दीपासून दूर शांत समुद्रकिनाऱ्यावर वेळ घालवायचा असेल, तर भोगवे उत्तम पर्याय आहे. निसर्गरम्य किनारा, नारळी-पोफळीची झाडे आणि फोटोग्राफीसाठी सुंदर दृश्ये हे या ठिकाणाचे वैशिष्ट्य आहे.
सावंतवाडीचा ऐतिहासिक राजवाडा, मोती तलाव आणि प्रसिद्ध लाकडी खेळणी पर्यटकांना आकर्षित करतात. कोकणचा सांस्कृतिक वारसा जाणून घेण्यासाठी या ठिकाणाला नक्की भेट द्या.
निसर्गरम्य समुद्रकिनारा, हिरव्यागार टेकड्या आणि माडा-पोफळीच्या बागांनी नटलेला वेंगुर्ला मन प्रसन्न करतो. निवांत वेळ घालवण्यासाठी आणि सूर्यास्त पाहण्यासाठी हे सुंदर पर्यटनस्थळ आहे.