Akshay Nirmale
उद्योगपती मुकेश अंबानींच्या रिलायन्स इंडस्ट्रीजने गेल्या काही वर्षांपासून आपल्या रिलायन्स रिटेल्सकडे लक्ष दिले आहे. मुकेश यांची कन्या ईशा रिलायन्स रिटेलचा कारभार सांभाळत आहे.
अलिकडच्या काही महिन्यांत अंबानींच्या या रिलायन्स रिटेल कंपनीत भक्ती मोदी या मुलीची भूमिका मोठी होत चालली आहे.
भक्ती मोदींच्या वाढत्या जबाबदारीमुळे त्या कोण आहेत, याची चर्चा सुरू झाली. भक्ती या अंबानींचे जवळचे मित्र मनोज मोदी यांची कन्या आहे.
मनोज मोदी हे मुकेश अंबानींचे उजवे हात मानले जातात.
रिलायन्स रिटेलमध्ये भक्ती मोदी यांच्यावर धोरण आणि नवीन व्यवसाय याची जबाबदारी आहे. तसेच रणनीती आणि अंमलबजावणी देखील ती हाताळते.
तिरा नावाच्या सौंदर्य उत्पादनांच्या ब्रँडची ती सहसंस्थापकही आहे.
भक्ती मोदी यांना ऑगस्ट २०२२ मध्ये रिलायन्स ब्रँड्सचे संचालक बनवण्यात आले. रिलायन्स ब्रँड्सतर्फे जागतिक कंपन्यांशी भागीदारीसह भारतात रिटेल विक्री केली जाते.