Pranali Kodre
दक्षिण आफ्रिका विरुद्ध भारत संघात सेंच्युरियनला कसोटी मालिकेतील पहिला सामना 26 डिसेंबर 2023 रोजी सुरु झाला आहे.
या सामन्यात भारताचा यष्टीरक्षक फलंदाज केएल राहुलने शतकी खेळी केली.
केएल राहुलने 137 चेंडूत 101 धावांची खेळी केली. या खेळीत 14 चौकार आणि 4 षटकार मारले.
हे राहुलचे कसोटी कारकिर्दीतील आठवे शतक ठरले. तसेच दक्षिण आफ्रिकेतील दुसरे शतक ठरले आहे.
विशेष म्हणजे राहुलने यापूर्वी 2021 मध्ये देखील सेंच्युरियनमध्येच कसोटी सामना खेळताना 123 धावांची शतकी खेळी केली होती.
केएल राहुलने सेंच्युरियनवर दुसरे कसोटी शतक ठोकल्यामुळे त्याने कोणालाच आत्तापर्यंत न जमलेला विक्रम केला आहे.
केएल राहुल सेंच्युरियनवर दोन कसोटी शतके करणारा पहिलाच दक्षिण आफ्रिकेबाहेरचा म्हणजेच परदेशी खेळाडू ठरला आहे.
तसेच राहुलच्या पूर्वी सेंच्युरियनवर भारताकडून सचिन तेंडुलकरने 2010 साली, तर विराट कोहलीने 2018 साली प्रत्येकी एक शतक केले होते.