Manish Jadhav
हळदीमधील अँटी-बॅक्टेरियल आणि अँटी-ऑक्सिडंट गुणधर्म त्वचेचा रंग नैसर्गिकरित्या उजळण्यास आणि पिंपल्सची समस्या कमी करण्यास मदत करतात. हे चेहऱ्यावरील डाग घालवून त्वचा नितळ बनवते.
दही त्वचेला मॉइश्चराईज करते आणि उन्हामुळे आलेला चेहऱ्यावरील काळेपणा (टॅनिंग) झटपट दूर करण्यासाठी अत्यंत प्रभावी ठरते. याच्या वापराने त्वचा मऊ, मुलायम आणि तजेलदार होते.
मध हे एक उत्तम नैसर्गिक मॉइश्चरायझर असून ते त्वचेतील ओलावा टिकवून ठेवते आणि चेहऱ्याला एक वेगळीच चमक देते. कोरड्या त्वचेची समस्या दूर करुन चेहरा हायड्रेट ठेवण्यासाठी हे उत्तम आहे.
कॉफी चेहऱ्यावरील मृत त्वचा आणि साचलेली घाण काढून टाकण्यासाठी एक उत्तम नॅचरल स्क्रबर म्हणून काम करते. यामुळे चेहऱ्यावरील रक्ताभिसरण सुधारते आणि त्वचेला इन्स्टंट ग्लो मिळतो.
कोरफड जेल त्वचेला थंडावा देते आणि सनबर्न, सूज तसेच चेहऱ्यावरील काळे डाग कमी करून त्वचेचे रक्षण करते. याच्या नियमित वापराने त्वचा दीर्घकाळ तरुण, घट्ट आणि डागमुक्त राहते.
बेसन त्वचेवरील अतिरिक्त तेल शोषून घेते आणि चेहऱ्याची त्वचा आतून स्वच्छ करुन पोर्समधील घाण साफ करते. तेलकट त्वचेची समस्या असलेल्यांसाठी हे रुप खुलवण्याचा एक उत्तम पर्याय आहे.
टोमॅटोमधील लायकोपीन आणि व्हिटॅमिन-सी चेहऱ्यावरील मोठे झालेले पोर्स कमी करण्यास आणि वृद्धत्वाची लक्षणे रोखण्यास मदत करतात. हे चेहऱ्याला नैसर्गिक लाली आणि चमक देते.