Manish Jadhav
आजकालच्या व्यस्त जीवनशैलीमुळे मुलांकडे वेळ द्यायला पालकांना अजिबात वेळ नाही. त्यामुळे मुलांचा स्वभाव चीडचीडा, एकलकोंडी बनत चालला आहे.
पण आता या व्यस्त जीवनशैलीतून वेळ काढून मुलांना वेळ देणं गरजेचं बनत चाललं आहे. तुम्ही तुमच्या मुलांसोबत वेळ घालवला पाहिजे. मुलांचे विचार जाणून घेतले पाहिजे.
आज (18 एप्रिल) आपण या वेबस्टोरीच्या माध्यमातून मुलांचे मानसिक आरोग्य राखण्यासाठी काय केले पाहिजे याविषयी जाणून घेणार आहोत...
मुलांच्या शारीरिक आणि मानसिक विकासासाठी शारीरिक ॲक्टिव्हीटी महत्वाची असते. पालकांनी मुलांना मैदानी खेळ खेळण्यासाठी प्रवृत्त केले पाहिजे.
मुलांच्या मानसिक विकासासाठी मैत्रीपूर्ण संबंध खूप महत्त्वाचे आहेत. एकटे असताना मुले अस्वस्थ असतात त्यामुळे पालकांनी त्यांच्यासोबत विचारांची देवाण-घेवाण केली पाहिजे. त्यांचे विचार समजून घेतले पाहिजेत.
मुलांच्या शारीरिक विकासाबरोबर मानसिक विकासही खूप गरजेचा असतो. मुलांना कधीही भीती दाखवू नका. मुलांना एखाद्या गोष्टीची भीती दाखवण्याऐवजी त्या गोष्टीविषयी समजावून सांगा.