Manish Jadhav
काशिद समुद्रकिनाऱ्याचे सर्वात मोठे आकर्षण म्हणजे येथील मऊ आणि पांढरीशुभ्र वाळू. कोकणातील इतर किनाऱ्यांच्या तुलनेत येथील वाळू अतिशय स्वच्छ असून ती चांदीसारखी चमकते, ज्यामुळे याला 'मिनी मॉरिशस' म्हटले जाते.
3 किलोमीटर लांबीचा हा विस्तीर्ण किनारा अरबी समुद्राच्या स्वच्छ आणि निळ्या पाण्याने नटलेला आहे. उथळ समुद्रामुळे पर्यटकांना येथे पोहण्याचा आणि पाण्यात खेळण्याचा मनसोक्त आनंद घेता येतो.
किनाऱ्यालगत असलेल्या सुरुच्या (Casuarina) झाडांची दाट रांग पर्यटकांना नैसर्गिक सावली देते. दुपारी उन्हातही या झाडांच्या सावलीत बसून समुद्रकिनाऱ्याचा गारवा अनुभवता येतो.
ऍडव्हेंचर प्रेमींसाठी काशिद हे नंदनवन आहे. येथे पॅरासेलिंग, बनाना राईड, जेट स्की, आणि बंपर राईड यांसारखे अनेक साहसी खेळ उपलब्ध आहेत, जे पर्यटकांच्या सहलीचा आनंद द्विगुणित करतात.
अनेक पर्यटक येथे बीच साइड कॅम्पिंग करण्यासाठी येतात. रात्रीच्या वेळी समुद्राच्या लाटांच्या आवाजात टेंटमध्ये राहणे आणि शेकोटीचा आनंद घेणे हा एक अविस्मरणीय अनुभव ठरतो.
निसर्गाची जोड काशिदपासून हाकेच्या अंतरावर फणसाड वन्यजीव अभयारण्य आहे. समुद्रकिनाऱ्यासोबतच पर्यटकांना येथे ट्रेकिंग आणि विविध पक्षी-प्राणी पाहण्याची संधी मिळते.
काशिदपासून अवघ्या 20-22 किमी अंतरावर मुरुडचा अजिंक्य 'जंजिरा' किल्ला आहे. काशिदला भेट देणारे पर्यटक हा ऐतिहासिक जलदुर्ग पाहण्यासाठी आवर्जून जातात.
येथील होमस्टे आणि रिसॉर्ट्समध्ये मिळणारे ताजे मासे आणि सोलकढी पर्यटकांच्या जिभेवर रेंगाळते. अस्सल कोकणी पद्धतीचे जेवण हे काशिद सहलीचे मुख्य आकर्षण आहे.