Pranali Kodre
वूमन्स प्रीमियर लीगच्या दुसऱ्या हंगामाला 23 फेब्रुवारी 2024 पासून सुरुवात होणार आहे.
या स्पर्धेच्या पहिल्या सामन्यात दिल्ली कॅपिटल्स विरुद्ध मुंबई इंडियन्स हे दोन संघ आमने-सामने असणार आहेत. हा सामना बंगळुरूमधील एम चिन्नास्वामी स्टेडियमवर होणार आहे.
या सामन्यापूर्वी बीसीसीआयने उद्घाटन सोहळा आयोजित केला असून याबद्दल माहिती दिली आहे.
उद्घाटन सोहळ्याबद्दल केलेल्या पोस्टमध्ये माहिती देण्यात आली आहे की यावेळी बॉलिवूड अभिनेता कार्तिक आर्यन परफॉर्मन्स करणार आहे.
कार्तिक आर्यनव्यतिरिक्त अजून कोणते सेलिब्रेटी या उद्घाटन सोहळ्यात सामील होणार की नाही, याबाबत अद्याप माहिती मिळालेली नाही.
वूमन्स प्रीमियर लीग 2024 उद्घाटन सोहळा 23 फेब्रुवारी रोजी संध्याकाळी 6.30 वाजता चालू होईल.
वूमन्स प्रीमियर लीगच्या पहिल्या हंगामाच्या उद्घाटन सोहळ्यात कियारा अडवाणी, क्रिती सेनन आणि एपी ढिल्लों यांचे परफॉर्मन्स झाले होते.
वूमन्स प्रीमियर लीगचा दुसरा हंगाम 17 मार्च रोजी संपणार आहे. या दिवशी अंतिम सामना खेळवला जाणार आहे.