Pranali Kodre
भारतीय संघ 15 ते 18 फेब्रुवारी 2024 दरम्यान इंग्लंडविरुद्ध राजकोटमध्ये कसोटी मालिकेतील तिसरा सामना खेळला.
भारतीय क्रिकेट संघाने .राजकोटला झालेला हा सामना तब्बल 434 धावांनी जिंकला.
त्यामुळे हा भारताचा कसोटी क्रिकेटमध्ये धावांच्या फरकाने मिळवलेला सर्वात मोठा विजय ठरला.
यापूर्वी भारताने मुंबईत 2021 मध्ये न्यूझीलंडविरुद्ध कसोटीत 372 धावांनी विजय मिळवला होता.
भारताने कसोटीत धावांच्या फरकाने मिळवलेल्या सर्वात मोठ्या विजयांमध्ये तिसऱ्या क्रमांकावर 2015 मधील दक्षिण आफ्रिकेविरुद्धची दिल्ली कसोटी आहे. त्या सामन्यात भारताने 337 धावांनी विजय मिळवला होता.
चौथ्या क्रमांकावर 2016 साली भारताने न्यूझीलंडविरुद्ध इंदूर कसोटीत 321 धावांनी मिळवलेला विजय आहे.
तसेच पाचव्या क्रमांकावर भारताने 2008 साली ऑस्ट्रेलियाविरुद्ध मोहाली कसोटीत 320 धावांनी मिळवलेला विजय आहे.