Pranali Kodre
इंग्लंडचा संघ सध्या भारत दौऱ्यावर आला आहे. या दौऱ्यात इंग्लंडला भारताविरुद्ध 5 सामन्यांची कसोटी मालिका खेळायची आहे.
भारत विरुद्ध इंग्लंड या कसोटी मालिकेला 25 जानेवारीपासून सुरुवात होणार आहे.
दरम्यान भारत आणि इंग्लंड संघात आत्तापर्यंत 131 कसोटी सामने खेळवण्यात आले आहेत.
या 131 कसोटीतील 31 सामने भारताने जिंकले आहेत. तसेच 50 सामने इंग्लंडने जिंकले आहेत. त्याचबरोबर 50 सामने अनिर्णित राहिले आहेत.
भारतामध्ये इंग्लंड आणि भारत या दोन संघात 64 कसोटी सामने खेळवण्यात आले आहेत. यातील 22 सामने भारताने जिंकले आहेत, तर 14 सामने इंग्लंडने जिंकले आहेत. तसेच 28 सामने अनिर्णित राहिले आहेत.
भारत आणि इंग्लंड यांच्यात भारतात 2021 मध्ये अखेरची कसोटी मालिका झाली होती, ज्यात भारताने 3-1 ने विजय मिळवला होता.
तसेच 2021-22 मध्ये भारतीय संघाने इंग्लंड दौऱ्यात खेळलेल्या कसोटी मालिकेत 2-2 अशी बरोबरी झाली होती.
भारतीय संघ गेल्या 12 वर्षात एकदाही कसोटी मालिकेत पराभूत झालेला नाही. यापूर्वी 2012 साली इंग्लंडनेच शेवटचे भारताला कसोटी मालिकेत पराभूत केले होते.