Pranali Kodre
भारत विरुद्ध अफगाणिस्तान संघात 11 ते 17 जानेवारी 2024 दरम्यान तीन सामन्यांची टी20 मालिका खेळवण्यात आली होती.
या मालिकेतील तिन्ही सामन्यात भारतीय संघाने विजय मिळवत अफगाणिस्तानला 3-0 असा व्हाइटवॉश दिला.
दरम्यान, या मालिकेत अष्टपैलू कामगिरी केलला शिवम दुबे मालिकावीर पुरस्काराचा मानकरी ठरला.
शिवमने या मालिकेत दोन अर्धशतकांसह सर्वाधिक 124 धावा केल्या. तसेच 2 विकेट्स घेतल्या.
या टी20 मालिकेतील पहिला सामना मोहालीला झाला होता. या सामन्यातही सामनावीर पुरस्कार शिवम दुबेलाच मिळाला होता. त्याने या सामन्यात नाबाद 60 धावांची खेळी केली होती. तसेच 1 विकेट घेतली होती.
तसेच 14 जानेवारी रोजी इंदूरला झालेल्या सामन्यात भारताचा अष्टपैलू अक्षर पटेल सामनावीर पुरस्काराचा मानकरी ठरला. त्याने या सामन्यात 4 षटकात 17 धावा देत 2 विकेट्स घेतल्या.
बंगळुरूला 17 जानेवारीला झालेल्या तिसऱ्या आणि अखेरच्या सामन्यात नाबाद 121 धावांची शतकी खेळी करणारा रोहित शर्मा सामनावीर पुरस्काराचा मानकरी ठरला.